MX (荃灣廣場) (Closed)

今日一早黎到荃灣做野，做完野之後已經成點有多，撞正食飯時間又唔想排隊，所以就走左落荃灣廣場樓下地庫間美心食個快飯。人唔算好多 ，仲設有部自助叫餐機，俾人用八達通or信用卡叫餐。我自己就叫左個三重芝士豬扒飯 加杯7up, 52蚊。等左一分鐘就拎得餐 ps 大快活既服務真係一流 有埋送餐服務 美心真係要學下野。 咁講番個環境先，環境算光猛，位都算多，唔會好逼坐得唔舒服。咁個飯又比我想像中好食，落左好多cheese 好香，對芝士好熱愛既人其實可以一試。塊豬扒夠厚，唔會好有雪味。飯底係蛋炒飯底，正正常常，略嫌個飯底有啲細，肚餓又大食既人可能要叫個加飯先夠。總括黎講，個焗飯係唔錯既。