Read full review
2021-04-24
281 views
平時都係上嚟OpenRice睇食評多，但從來都冇試過自己寫食評。今次同一位朋友想食意大利菜，特登早一個星期係佢哋網站book枱，開頭都抱有幾高期望，因為睇到啲食評感覺呢間餐廳應該唔錯，但最後都頗為失望。我哋兩個人order咗一個前菜，一個pasta同一份Pizza。前菜係 Le Polpette della Nonna $135三粒肉丸同番茄醬再加少少芝士。冇乜特別， 味道同出面食到嘅差唔多，蕃茄醬偏酸，整體不過不失。Pasta 係Gnocchetti Aragosta $180呢一份pasta嘅份量細到我哋以為係前菜。份量大約係一個男人嘅拳頭再細少少。味道還可以，酸酸地嘅蕃茄汁底，再加上龍蝦粒，但真係over-priced😅 呢個價錢我會建議嗌多一個Pizza。去到重頭戲 pizza, 我哋今次嗌嘅係最經典嘅Margherita $130不過講評價之前需要加返一個小插曲。當時我哋order後，等咗半個鐘都未有pizza，事關前菜同所謂pasta份量偏細，兩個女仔幾啖就食完，所以一路等緊Pizza。但因為等太耐，我同一位女待應反映，佢就話係因為今日有兩個event所以會有delay😅
今次同一位朋友想食意大利菜，特登早一個星期係佢哋網站book枱，開頭都抱有幾高期望，因為睇到啲食評感覺呢間餐廳應該唔錯，但最後都頗為失望。
我哋兩個人order咗一個前菜，一個pasta同一份Pizza。
前菜係 Le Polpette della Nonna $135
三粒肉丸同番茄醬再加少少芝士。冇乜特別， 味道同出面食到嘅差唔多，蕃茄醬偏酸，整體不過不失。
Pasta 係Gnocchetti Aragosta $180
呢一份pasta嘅份量細到我哋以為係前菜。份量大約係一個男人嘅拳頭再細少少。味道還可以，酸酸地嘅蕃茄汁底，再加上龍蝦粒，但真係over-priced😅 呢個價錢我會建議嗌多一個Pizza。
去到重頭戲 pizza, 我哋今次嗌嘅係最經典嘅Margherita $130
不過講評價之前需要加返一個小插曲。當時我哋order後，等咗半個鐘都未有pizza，事關前菜同所謂pasta份量偏細，兩個女仔幾啖就食完，所以一路等緊Pizza。但因為等太耐，我同一位女待應反映，佢就話係因為今日有兩個event所以會有delay😅 問我哋係咪好趕時間🥴(但當時坐我哋斜對面嘅一家人，遲過我哋坐低同order，枱面已經有三四個Pizza)
我哋都好無奈，但唯有繼續等。過多一陣，有第二個男待應想放低份pizza，結果就上錯咗一份叫做Rosa嘅pizza，我就同佢講佢哋上錯，我哋嗌嘅係Margherita。經理處理得幾好，佢放低咗嗰塊pizza，請我哋食住等，大約過多5分鐘，份pizza終於送到我哋枱。
上錯嘅Rosa pizza $140 (味道一般，唔係我哋鐘意嘅口味) 冇乜香氣🥴
不得不說佢哋嘅Margherita真係幾好食，熱辣辣新鮮焗起，芝士又香又可以拉絲，蕃茄底酸酸甜甜，價錢又合理，成餐飯最好食就係佢😂
可惜幾位Waiter全程禮貌欠奉，同佢哋講嘢佢哋係零反應，我唔想掃興所以費事深究。就連請佢哋斟水都足足叫咗三次先有反應🥴
整體嚟講，呢間餐廳真係毫無特別，相信同樣價錢元創方附近有更好嘅選擇😉 附近間Pxxi 食物質素同服務態度真係比呢一間餐廳好太多。
Post
