Video
Read full review
2018-08-25
269 views
好耐冇食過義順，好耐之前食過呢度嘅雙皮奶，今日經過，食咗個下午茶 (午餐餐牌)。雖然已經接近五點，但係仲有呢個午餐套餐可以食。我揀咗牛肉米粉。首先嚟到嘅係杯熱奶茶。用呢個杯裝差啲以為係凍飲。比起出面啲茶餐廳，呢杯奶茶麻麻哋，唔夠滑身同埋味都唔算濃。之後好快餐肉雙蛋同埋牛肉米粉都到啦。賣相真係麻麻地吸引。餐肉雙蛋味道OK，個蛋黃係生嘅係流心嘅，都算唔錯。有胡椒粉同鹽可以比大家自己加。但係個牛肉米粉睇落非常之淡，食落都係非常之清淡，如果食慣濃味嘅就未必適合啦。不過佢個湯底清得來都幾香嘅，有種特別嘅味道，而個米粉都煮得啱啱好，食落都OK。茶餐廳常餐來講$41真係唔算平，又唔係特別好食。下次都係試番呢度出名嘅雙皮奶算啦🤢
雖然已經接近五點，但係仲有呢個午餐套餐可以食。我揀咗牛肉米粉。
首先嚟到嘅係杯熱奶茶。用呢個杯裝差啲以為係凍飲。比起出面啲茶餐廳，呢杯奶茶麻麻哋，唔夠滑身同埋味都唔算濃。
之後好快餐肉雙蛋同埋牛肉米粉都到啦。賣相真係麻麻地吸引。餐肉雙蛋味道OK，個蛋黃係生嘅係流心嘅，都算唔錯。有胡椒粉同鹽可以比大家自己加。
但係個牛肉米粉睇落非常之淡，食落都係非常之清淡，如果食慣濃味嘅就未必適合啦。不過佢個湯底清得來都幾香嘅，有種特別嘅味道，而個米粉都煮得啱啱好，食落都OK。
茶餐廳常餐來講$41真係唔算平，又唔係特別好食。下次都係試番呢度出名嘅雙皮奶算啦🤢
Post
