我地1:30到達餐廳時未坐滿人，可能因為過咗午餐時間 店面整體裝修偏簡約風，缺點係冇卡位 + 枱細 想嗌多兩份小食都冇地方擺...
好在打開 menu有驚喜 除咗飯類仲有烏冬、蕎麥麵，搭配多款小食，整體種類都算豐富 雖然標榜韓式烏冬，實則更偏向日韓fusion風🇯🇵🇰🇷 唯一估唔到既係，招牌冷寬烏冬咁快就已經售罄，有啲可惜
由於當日成36度我地最後嗌咗凍烏冬同凍蕎麥麵，一個熱拌烏冬，一個鍋烏冬，份量中等，男仔食完唔會餓，每份都附有少量泡菜同醃黃蘿蔔👍
🐷香脆吉列豬扒配冰蔬菜蕎麥麵😌
呢碗凍蕎麥麵啱晒夏天食！麵質爽彈掛湯，湯底有唔少冰碎 十分之透心涼～ 重點係冰過之後依然好夠味，蔥香同柴魚鮮味完美平衡 但… 個麵有幾好食，塊吉列豬扒就有幾失望！豬扒睇落炸衣過厚，明顯炸過龍 食落果然乾碀碀，一啲都唔juicy既 雖然蕎麥麵本身好食，但豬扒呢個水準配埋個價錢，真係有啲唔抵🥲
🍜冷鎮竹盤烏冬套餐😋
配角係炸天婦羅三件套：蝦、南瓜同冬菇，蝦身大大隻 咬落彈牙鮮甜，南瓜甜度爆棚～ 主角冰鎮烏冬底下有座小冰山凍住烏冬 望見就暑氣全消！烏冬口感煙韌，咬落好有嚼勁～ 醬汁有兩款選擇：私心推薦鰹魚汁🥇 配上蔥花、蘿蔔蓉同wasabi ，清爽得黎又有層次感，完全唔嗆鼻 而胡麻醬既芝麻香濃醇滑，鍾意芝麻味既你值得一試
🧈明太子奶油自家制熱烏冬🥰
呢碟明太子奶油熱烏冬絕對係邪惡之物！每一條烏冬都掛滿奶油醬汁，濃稠得黎完全唔膩，烏冬口感軟糯又帶點煙韌😳 粒粒明太子爆香，同奶油比例啱啱好 —— 奶油既滑順襯托明太子既鹹香，兩者完全唔爭味，多重口感愈食愈上癮！ 輕鬆自己 KO哂成碗✅
🐔香嫩地雞鍋烏冬🤢
等到頸都長，所有人差唔多食曬先上檯😤 結果一入口就出事，冬菇酸到皺曬眉 雞肉除咗酸仲有陣雪藏味，成碗湯飲落都怪怪地，越食越覺得酸酸餿餿，食到一半就投降… 真心伏❌ 建議大家喺屋企煮仲好食啲
🍗日式炸雞😩
今次試咗三款小食，真係有喜有悲！先講講$38三件既日式炸雞，望落已經覺得乾身，咬落去果然好柴，一滴肉汁都冇😤
🥟炸王餃子🤩
好在炸王餃子扳回一城！份量好足，外皮炸到卜卜脆🤪 滿滿菜肉餡點埋特製醬汁超級惹味！🥬 雖然食得出係雪藏餃子，但勝在炸功到位👑
🥕柚子醃蘿蔔皮😐
至於柚子醃蘿蔔就有啲貨不對版啦～ 表面鋪滿柚子皮，但食落完全零柚子香🤯 口感就係普通醃黃蘿蔔🙌🏻 套餐送既份量偏少，散叫會多成倍，如果想嚐鮮可以單點🤫
1
1
1
