寶寶同我都叫左2份晚餐精選，價錢都叫大眾化。話說今晚特別肚餓，寶寶叫左西冷意粉，我叫左羊鞍薯條，紅湯配蒜蓉包。紅湯略嫌太辣，不過蒜蓉包就脆卜卜幾好味。
飲完碗湯，等左半個鐘先上主菜，真係餓到暈。最驚訝係，呢到扒餐都係用碟上，唔係鐵板。薯條有些少放涼，好彩羊鞍足秤，配蒜蓉汁咬落juicy，仲唔騷，攞返分。
不過寶寶份七成熟西冷，un 左小許，普普通通。
好彩，套餐有甜品送，寶寶話加返分，可以揀布甸或啫喱，有趣係我同寶寶都揀左布甸，但上左啫喱...侍應就似乎發緊夢
...總結而言，不過不失，性價相乎。蒜蓉包、羊鞍都算唔錯
，好評，不過下次都係食清湯腩好喎。
