成日經過開荃灣都會見到終於試吓
價錢都算幾抵
食物種類都幾多
基本上係全自助嘅
不過餐具就污糟咗少少
火鍋撈係肉眼可見嘅污跡
夜晚八點左右雪糕已經冇乜
都冇人補嘅
但係其實冇乜人流應該好多時間補貨
但係喺食物種類同埋味道方面
呢個價錢完全係抵食嘅
但係值得一題係
刺身部戴眼鏡哥哥仔
真係好冇禮貌
同行家人都有同感
一直企係個度玩手機
見到有人企喺嗰度
都唔會主動行過嚟招呼
係要人哋叫佢先會行過嚟
但係保持一副人哋欠佢嘅樣😅
因為第一次食嘅關係
唔係好知佢哋系統係點
哥哥仔係好冇禮貌冇耐性咁樣講
「每次係限拎一碟㗎咋喎」
「你食完先再返嚟拎囉」
其後去拎佢都係好冇禮貌咁樣同客人對答
一比完我就即刻去玩手機
客人仲企喺前面😅
唯獨呢啲待客要改善
不過其餘樓面姐姐哥哥幾好
收碟好快
有禮貌
同佢講唔該同佢講唔使客氣
如果口痕唔知食咩值得去試吓嘅
但係追求服務態度嘅就可以轉下一間啦
