盛八日式火鍋放題店 (Closed)

天氣凍最好就好打邊爐，第一次食日式火鍋。都算不過不失啦，選擇算多，肥牛切得夠薄，色澤鮮紅。雜丸類就真係好多，魚蛋好彈牙又有魚味，夠爽口。雞肉夠嫩滑又無皮。豬肉切得超薄，真係第一次見啦。講明係日式又點會少得刺身呢 刺身都算新鮮，切得好厚同大大件。拎咗幾轉刺身。不過掛住食忘記影相就真啦 炸雞翼一出就要快D去拎，啱啱出夠哂熱，皮脆，唔會炸到好乾。甜品選擇都好多款式又有雪糕。