品嚼酒家 (Closed)

放假當然要同屋企人去飲茶啦！出開大窩口果邊，見到呢間品嚼酒家就入去試下！上到２樓就見到好多茶客，似乎多數做街坊生意，平民化好有親切感！事不宜遲，立即拎起點心紙剔啦！首先黎左碟鮮蝦腸粉，雖然唔係好大碟，但勝在幾滑，師父拉粉皮有功架！Ｄ蝦唔係好大隻但幾新鮮！然後就試下個鮮蝦菜苗鮫，四粒都大大粒，菜苗鮮嫩，Ｄ蝦都係好新鮮，皮又薄又好口感！然後就食燒賣皇，大大粒同埋Ｄ豬肉好彈牙！而另外一碟鮮竹卷就乾身左Ｄ！至於個山竹牛肉就好正啦！三大粒每粒都好彈牙搓得好好！最後我地叫左碟菜遠排骨炒河，有好多排骨，河粉都炒得好夠味，不過菜得２條，希望下次可以有多Ｄ啦！