三上日本料理 (Moved) New Location

同男朋友行完山，咁岩係元朗附近，是但搵啲野食，就黎左三上。記得三、四年前同屋企人黎食過一次，不過已經無咩印象好唔好食🤣。主食我嗌左魚生飯，有一細舊海膽同OK多魚生（青瓜都好多），食到底都仲有魚生送飯既份量👍🏻味道方面就正正常常，無話特別好食。男朋友嗌既主食係牛扒飯（已經唔記得叫咩名），個汁唔錯既。另外仲嗌左吉列蠔、帶子手卷，同炒雜菜。吉列蠔炸粉太厚，味道唔出眾，唔推薦。炒雜菜我就幾鐘意，炒得好香，上碟仲有柴魚片。望住佢地郁黎郁去，好治癒😹。