19
9
6
Level4
142
0
2021-02-06 806 views
次次經過呢間Pizza店,都會驚嘆啲Pizza真係好大件,每次都話下次一定要黎試吓,但係轉頭就冇咗件事,難得今次同朋友出旺角諗唔到食咩,終於真係入嚟試啦🤣店舖嘅面積唔係好大,只係有五至六張枱,而且每張都係兩人位,我哋去到嘅時候揀咗窗口位坐,但大家記住如果係下午三至四點嘅時候去,千祈唔好揀窗口位,如果唔係坐坐下就會俾太陽照住😅我哋咁啱錯過咗佢個午餐時間,因為佢兩點前係有一啲比較優惠嘅午市套餐,咁我哋都照叫咗每人一件pizza同埋一杯嘢飲。🎈夏威夷薄餅我哋兩個都叫咗夏威夷薄餅,佢個餅底唔算好厚,同其他舖頭嘅Pizza唔同嘅地方係其他舖頭嘅pizza餅底上面塗既係番茄醬,但係佢塗既就係肉醬意粉嗰啲肉醬,所以食落去個口感會更好,肉醬上面就係一層芝士,但係芝士嘅份量唔算多,而且分布亦唔係太平均。而我有少少失望嘅就係薄餅上面嘅菠蘿同埋火腿其實唔係好多,同埋個Pizza上碟之後只係有少少暖,唔係好夠熱,所以整體來講呢個Pizza都係普普通通😢有啲失望🎈橙汁沙冰哩一個就唔係太建議大家叫,因為就算係我呢一個好鍾意食甜品嘅人,都覺得呢一個沙冰真係太甜啦。整體來講,依間嘅Pizza的確只係以大件作招徠,但係
Read full review
次次經過呢間Pizza店,都會驚嘆啲Pizza真係好大件,每次都話下次一定要黎試吓,但係轉頭就冇咗件事,難得今次同朋友出旺角諗唔到食咩,終於真係入嚟試啦🤣



店舖嘅面積唔係好大,只係有五至六張枱,而且每張都係兩人位,我哋去到嘅時候揀咗窗口位坐,但大家記住如果係下午三至四點嘅時候去,千祈唔好揀窗口位,如果唔係坐坐下就會俾太陽照住😅



我哋咁啱錯過咗佢個午餐時間,因為佢兩點前係有一啲比較優惠嘅午市套餐,咁我哋都照叫咗每人一件pizza同埋一杯嘢飲。
93 views
0 likes
0 comments



🎈夏威夷薄餅
我哋兩個都叫咗夏威夷薄餅,佢個餅底唔算好厚,同其他舖頭嘅Pizza唔同嘅地方係其他舖頭嘅pizza餅底上面塗既係番茄醬,但係佢塗既就係肉醬意粉嗰啲肉醬,所以食落去個口感會更好,肉醬上面就係一層芝士,但係芝士嘅份量唔算多,而且分布亦唔係太平均。


而我有少少失望嘅就係薄餅上面嘅菠蘿同埋火腿其實唔係好多,同埋個Pizza上碟之後只係有少少暖,唔係好夠熱,所以整體來講呢個Pizza都係普普通通😢有啲失望
68 views
0 likes
0 comments



🎈橙汁沙冰
哩一個就唔係太建議大家叫,因為就算係我呢一個好鍾意食甜品嘅人,都覺得呢一個沙冰真係太甜啦。
32 views
0 likes
0 comments




整體來講,依間嘅Pizza的確只係以大件作招徠,但係味道同埋用料其實都唔係話好出色,性價比亦都唔高,都係試一次就夠。

57 views
0 likes
0 comments





(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Dining Method
Dine In
Spending Per Head
$45 (Tea)