蘇杭冰室

夜晚收工諗住食埋先番屋企。
諗住平平哋食，就去咗蘇杭冰室。
本身打算食個茶餐，但晏晝食咗又廢事食番差唔多嘅嘢。
望望吓見個叉燒炒蛋飯唔錯，就嗌呢個加蝦仁。

夜晚無乜人，等咗一陣已經有得食。
上到枱賣相唔差，炒蛋滑身有蛋香，叉燒就普通茶記會食到嘅叉燒。
至於蝦仁就有啲凍冰冰。
嘢食嚟講就不過不失啦，無乜特別驚喜或者失望。
不過有段小插曲，臨俾錢嗰陣見到張單打多咗一項寫住外賣，跟住收多兩蚊。
我唔知係唔小心定點啦，如果大家會嚟食嘅話就記得checkcheck張單先好俾錢啊。