Video
Read full review
2013-11-04
10352 views
是次評論多以服務範疇為主!話說9月21日，我同3個朋友同3隻狗上on dog dog cafe玩，一入鋪已經有好大陣狗味, 梳化好多狗毛好明顯沒有清潔好! 唔知係岩岩開鋪定咩,鋪面無咩人(包括店員),等左好耐先可以叫野食,一行4人3狗就點左4個set同一份狗通粉狗通粉有D dry, 狗狗唔係咁like!寶貝都好乖任人抱, 但之後由於寶貝有少少緊張(可能因為佢唔太鍾意PR狗) 所以我自己抱住佢, 之後店主話因為我地成日抱住佢,佢覺得有靠山先夠膽咁惡，所以我信佢就放低左我個仔落地, 我都唔知我算唔算好好管理我個仔。雖然店主命令PR狗離開, 但之後行左去第2枱跟個客，無理會佢的PR狗。之後我寶貝一直坐左係我朋友隻腳隔離(枱底)，店主一無留意, 電光火石之間我寶貝就比被駐場pr狗Shabi咬住唔放，成張枱移開左, 成杯野飲都跌左落地(都無咩點飲過-3-)! 我個仔就失晒禁流住血走返黎。之後店主叫左Shabi走開，雖然店主立即幫我寶貝洗傷口，佢都識話傷口好深，我當時話帶狗狗去睇醫生，但佢竟然話唔需要，洗幾日傷口就會無事。但店主又唔係專業獸醫，我點敢信晒佢！梗係比醫生睇下穩陣D啦。事後店主對佢既P
話說9月21日，我同3個朋友同3隻狗上on dog dog cafe玩，一入鋪已經有好大陣狗味, 梳化好多狗毛好明顯沒有清潔好! 唔知係岩岩開鋪定咩,鋪面無咩人(包括店員),等左好耐先可以叫野食,一行4人3狗就點左4個set同一份狗通粉
狗通粉有D dry, 狗狗唔係咁like!
寶貝都好乖任人抱, 但之後由於寶貝有少少緊張(可能因為佢唔太鍾意PR狗) 所以我自己抱住佢, 之後店主話因為我地成日抱住佢,佢覺得有靠山先夠膽咁惡，所以我信佢就放低左我個仔落地, 我都唔知我算唔算好好管理我個仔。雖然店主命令PR狗離開, 但之後行左去第2枱跟個客，無理會佢的PR狗。之後我寶貝一直坐左係我朋友隻腳隔離(枱底)，店主一無留意, 電光火石之間我寶貝就比被駐場pr狗Shabi咬住唔放，成張枱移開左, 成杯野飲都跌左落地(都無咩點飲過-3-)! 我個仔就失晒禁流住血走返黎。之後店主叫左Shabi走開，雖然店主立即幫我寶貝洗傷口，佢都識話傷口好深，我當時話帶狗狗去睇醫生，但佢竟然話唔需要，洗幾日傷口就會無事。但店主又唔係專業獸醫，我點敢信晒佢！梗係比醫生睇下穩陣D啦。
事後店主對佢既PR狗咬到客人既狗一點歉意都無，反而想將所有責任推卸晒落我地身上。話係我隻狗激動唔冷靜係到"wu" PR狗, PR狗先會咬佢, 而且店主仲話佢貼左紙叫左我地睇好自己D狗呢.佢話狗咬到自己負責。但我只係見佢貼左“唔好餵PR狗“同“清理自己狗狗的排泄物“。我認為合資格的狗pr, 就算被其他狗"wu"都唔應該作出攻擊的。因為dog cafe咁多狗出入，狗狗pr必須要好冷靜。否則，一開始就應該表明會"wu"人或"唔冷靜"既狗恕不招待⋯更何況on dog dog cafe個隻pr狗係大狗，殺傷力一定不少！
事件中沒有得到合理賠償更加沒有道歉!!
試過一次已經夠晒! 呢一間狗Cafe我呢一世都唔會再幫襯!!
Other Info. :
原來此店PR狗已經唔係第一次咬狗
***本人確認食評內容絕對真確,完全屬實!
***本人只希望分享是次用餐經驗的服務或環境等
(The above review is the personal opinion of a user which does not represent OpenRice's point of view.)
Post
