Joyful Dessert House (Closed)

今日食完飯同朋友係旺角行街，諗住買返對波鞋，不過波鞋就買唔到啦，唯有去食個甜品啦。其實都知左呢間米芝蓮推介嘅甜品店好耐，不過未有機會試過，今日就試一試。紫薯心太軟伴雪糕黎得呢度，都要試下招牌心太軟，因為比較鐘意食紫薯，所以都唔洗點揀，就食佢啦。甜品黎到，賣相非常靚，仲配上我鐘意嘅士多啤梨雪糕，十分美好。心太軟做得好好，外層非常香脆，但一切開，紫薯漿嘅味道即刻湧出黎，流到成碟係。紫薯味非常濃郁，果然不負米芝蓮推介之名。非常出色的甜品店，希望可以一直保持呢個水準。