82
27
30
(Non-member)
0
0
2007-01-07 14 views
呢間野好似好多人,都聽聞野食唔錯,一家四人咁岩行過,入去試下。d menu都幾靚,價錢中上,睇完叫個侍應黎問下,佢又推銷話今日特別有圓蹄,平日要訂的,咁我地諗住試下無妨,問佢會唔會好大碟,佢話「好細o者,唔係好大」.......咁我地要一份啦。我地再叫左擔擔麵、小籠包、京蔥爆牛,佢再介紹叉子燒餅,話「有小菜跟,有d牛肉可以放入去食」......咁我又都試下,就係咁啦。上菜~ 黎個擔擔麵,真係幾好食,再上個小籠包,正~跟住......嚇死人啦,上個圓蹄,直徑25-30cm,高大約5-7cm.......根本就係一圍的份量!個經理仲走埋黎問要唔要叫白飯,我真係想鬧佢,忍住好聲好氣話:「梗係唔駛啦,咁大份都已經食唔哂啦,你地又話好細碟......」你估佢點答? 佢話「係呀,好多菜好抵食呀,可以打包」牛頭唔答馬嘴。算!打包就打包。其他野都跟住上,個京蔥爆牛係我食過最唔掂的,乜鑊氣都冇。同時上左個叉子燒餅,但就係得d燒餅,咁就奇怪啦,又話跟小菜,以為我地聽錯左,print 出黎的單又冇寫乜野,咁算啦。埋單個陣,睇到最後張單,真係寫住:(跟小菜)。咁即刻問佢囉,頭先冇跟小菜喎,佢辯稱:「呢個意思係
Read full review
呢間野好似好多人,都聽聞野食唔錯,一家四人咁岩行過,入去試下。

d menu都幾靚,價錢中上,睇完叫個侍應黎問下,佢又推銷話今日特別有圓蹄,平日要訂的,咁我地諗住試下無妨,問佢會唔會好大碟,佢話「好細o者,唔係好大」.......咁我地要一份啦。我地再叫左擔擔麵、小籠包、京蔥爆牛,佢再介紹叉子燒餅,話「有小菜跟,有d牛肉可以放入去食」......咁我又都試下,就係咁啦。

上菜~ 黎個擔擔麵,真係幾好食,再上個小籠包,正~跟住......嚇死人啦,上個圓蹄,直徑25-30cm,高大約5-7cm.......根本就係一圍的份量!
個經理仲走埋黎問要唔要叫白飯,我真係想鬧佢,忍住好聲好氣話:「梗係唔駛啦,咁大份都已經食唔哂啦,你地又話好細碟......」你估佢點答? 佢話「係呀,好多菜好抵食呀,可以打包」牛頭唔答馬嘴。算!打包就打包。

其他野都跟住上,個京蔥爆牛係我食過最唔掂的,乜鑊氣都冇。同時上左個叉子燒餅,但就係得d燒餅,咁就奇怪啦,又話跟小菜,以為我地聽錯左,print 出黎的單又冇寫乜野,咁算啦。

埋單個陣,睇到最後張單,真係寫住:(跟小菜)。咁即刻問佢囉,頭先冇跟小菜喎,佢辯稱:「呢個意思係,你地叫個小菜(京蔥爆牛),個燒餅跟住一齊上咁解」

得啦,以後都唔會再返去食。
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Spending Per Head
$90