一寿司 (Closed)

兩星期前得知一壽司最後一間分店將於二月頭結束營業，曾經盛行一時既一壽司終於要告別我地，於是就約左朋友去懷念一下以前成日排隊食黑夜壽司既味道。六點半已經好多人排隊，等左大約一個鐘，七點半就可以入座~同朋友喪點左好多壽司🍣卷物同刺身😂玉子燒一如既往的好食，卷物普通冇乜特別。特別推介'龍蝦沙律花之戀'，龍蝦沙律同三文魚係完美既配搭👍🏻不過食一件就好滯了。。刺身叫左: 三文魚，牡丹蝦，甜蝦，帆立貝，三文魚甜蝦尚算新鮮鮮甜，但帆立貝就冇乜味😅另外叫左長鰻魚壽司，呢個真係不得了，放入口係凍凍地既😥咬唔開的鰻魚，不能接受總括而言，食物質素OK，但唔好點鰻魚類既食物😅