鄰居 (Closed)

久唔久就會黎食個午餐。必食推介係椰漿雞翼，放心，食唔到椰子味，皮脆到好似油炸鬼咁，無比香脆，咬落仲有汁出，雞肉係非常嫩滑外脆內軟，不容錯過。黑松露芝士醬薯條，黑松露落得重手。薯條係好粗身既新鮮薯條。香脆芝味得黎又好邪惡。漢堡包食蘑菇加牛肉當然最正，食親都好呢Hea, 因為次次都爆汁，好juicy. 仲試左黑松露醬雙蘑菇漢堡。都唔錯。次次去都爆場要等位。食物都係即叫即做。所以都要等下。 不過真係好鬼正，又唔貴。