瑞士咖啡室 (Closed)

今日去搵朋友先知樂富廣場係有咁多野食, 比我發現左瑞士咖啡室, 前幾日先同同事講起佢既瑞士雞翼, 估唔到今日咁岩比我食到! 好中意佢牆身個塊用麻雀砌成既招牌, 好有港味!瑞士汁雞脾 $20一坐低二話不說叫隻瑞士汁雞脾先啦! 啖啖肉, 皮位薄薄唔會有層肥膏係度, 香而不膩, 瑞士汁好入味,  不愧為佢個招牌鐵板蜜椒薯仔牛柳粒 $83上枱時鐵板仲係滾到渣渣聲, 牛柳粒有口感唔會韌, 薯仔有炸過加埋蜜糖好香口, 亦唔會太油膩, 好食。瑞士火山蒸水蛋 $80實物黎到哇左一聲, 先知佢點解叫瑞士火山~ 係蒸水蛋既中心有一大座豬肉山, 面頭仲有咸蛋黃! 唔明點解可以將咁厚既肉餅蒸熟既同時, 將水蛋蒸得咁滑, 蒸既時間應該完全唔同先係架~ 依個小菜CP好高呀, 好似用一個價錢食到水蛋+肉餅兩個小菜咁!金銀蛋上湯浸小白菜 $72上湯浸菜清清甜甜, 亦有好多金銀蛋, 不錯。椰汁紅豆冰紅豆冰就甜左DD, 但係椰味好濃郁, 紅豆都好綿好大粒