Video
Read full review
2010-02-28
21 views
星期六同老婆行完銅鑼灣去食下午茶。唔想等位就是但入咗間茶餐廳食，諗住下午茶間間都一樣冇咩所謂。入到餐廳，被人點咗去個`卡位’，點知枱都未執．．諗住叫個戴眼鏡侍應幫下手．．點知比人用唔友善嘅態度回應：坐低等等啦！執好枱後叫咗兩個下午茶餐，老婆嗰個係沙爹牛撈公仔麵，個麵一嚟到都知`瀨嘢’．．．點知老婆食咗兩啖就話頂唔順！！咁諗住等我食埋個ｘｏ醬牛柳粒炒飯再算．．．．唉．．．等咗五個字（大約２０－２５分鐘）完全冇下文！咁就膽粗粗叫嗰個戴眼鏡侍應幫手跟跟。點知條友喱頭答我得，個頭就走去服侍個外籍人士（可能佢食嘅係鐵板牛排餐）。唔洗問都知係冇下文！！咁再叫另外一個侍應幫手跟跟，都係冇下文！！！！．．唉．．．唯有發火捉住個侍應問。點知得到回覆係：而家炒比你，唔係你可以取消佢！前後等咗八個字，結果係埋單一個下午茶茶餐加一杯奶茶（我個下午茶餐剩係嚟咗杯奶茶，ｘｏ醬牛柳粒炒飯取消咗）ＨＫＤ４５！！！！！其後去咗隔離太興再食過！！結論係就算倒貼我嚟食，我都唔會再嚟！（貼錢買難受）
星期六同老婆行完銅鑼灣去食下午茶。唔想等位就是但入咗間茶餐廳食，諗住下午茶間間都一樣冇咩所謂。入到餐廳，被人點咗去個`卡位’，點知枱都未執．．諗住叫個戴眼鏡侍應幫下手．．點知比人用唔友善嘅態度回應：坐低等等啦！
執好枱後叫咗兩個下午茶餐，老婆嗰個係沙爹牛撈公仔麵，個麵一嚟到都知`瀨嘢’．．．
點知老婆食咗兩啖就話頂唔順！！咁諗住等我食埋個ｘｏ醬牛柳粒炒飯再算．．．．唉．．．等咗五個字（大約２０－２５分鐘）完全冇下文！咁就膽粗粗叫嗰個戴眼鏡侍應幫手跟跟。點知條友喱頭答我得，個頭就走去服侍個外籍人士（可能佢食嘅係鐵板牛排餐）。唔洗問都知係冇下文！！咁再叫另外一個侍應幫手跟跟，都係冇下文！！！！．．唉．．．唯有發火捉住個侍應問。點知得到回覆係：而家炒比你，唔係你可以取消佢！
前後等咗八個字，結果係埋單一個下午茶茶餐加一杯奶茶（我個下午茶餐剩係嚟咗杯奶茶，ｘｏ醬牛柳粒炒飯取消咗）ＨＫＤ４５！！！！！其後去咗隔離太興再食過！！
結論係就算倒貼我嚟食，我都唔會再嚟！（貼錢買難受）
Post