Lin Ke Hotpot (Closed)

同女朋友打過好多間邊爐 , 出名既都打過咁滯 ...
講真 , 每間有好有唔好 , 所以之前都冇打食評既習慣 ...
但寧記真係唔寫唔得 , 因為真係好唔掂 !!!
又唔係平 , 又唔好食 , 仲要服務係想比負分囉 !!

我地晚上9pm去到 , 一坐低就講$$ , 呢樣收幾多果樣又收幾多 , 大佬 , 我識字既 ...
不過唔緊要 , "均真"都岩既 , 由得佢 ...
係感覺有d怪 , 未試過一坐低有人係咁圈d價錢你睇姐 ...

講到食物味道 :
1. 鴛鴦鍋底 --> 四川麻辣 + 津白豆腐清湯 ...
四川真係好勁 , 唔食得辣既真係叫唔過 ...
個津白豆腐清湯 ... 嘩 ... 真係清到呢 ... 鹽都慳 !!! 我不嬲食野淡口 , 都覺得佢淡到 "寡"囉 !!

2. 菜單上可點既任食項目入面 , 好多都係冇乜味道既野 , 我地點左 :
- 西洋菜 / 粟米 / 滑牛 / 芝士腸 / 水餃 = ok
- 筍 = ok , 但似瓜多d ...
- 金姑 = 唔乾淨 , 好多"潺" ...
- 木耳 = 唔爽 , 又係好似有潺咁 ...
- 水魷 / 生腸 / 鵝腸 / 芋絲 = 冇乜特別 , 反正本身都係冇味既野 ...
- 蟹子丸 = o係街市入面 , 蟹子丸分左2-3隻 , 寜記係比最cheap果隻 , 多油冇蟹子 !!
- 香港仔魚旦 = 得一種味 --> 腥味 !! 連咸味都冇 ...
- 生蠔 = 冇味兼"那"口 , 我係"蠔精"都唔encore ...
- 蝦 = 味道一般 , 細隻 ...

不過 , 最令我火滾既係d服務 !!!
一坐低講$$都算 , 食緊中途都可以接受 , 食到尾就想反佢台 !!!
佢限打2個鐘 , 我地9pm入去 , 咁應該11pm先埋單丫 ...
佢10:50就埋我單 , 都算啦 , 點左d野又上得慢又上錯 , 11點正同我講要熄 火 !!!!!!!!!!!!!!!!!!!
喂 , 大佬 , 我地都不停食緊 , 唔係hea住食 , 仲有8隻蝦話要熄我火wor !!! 點呀 ?! 食刺身呀 ?!
我睬佢都傻啦 !!! 如果係要咁準時 , 就早半個中同我地講last order啦 !!
10:40我地先last order , 佢又比我地入紙 , 碟蝦仲要另外計$$ ...
佢11pm話要我地收皮 , 你話佢係咪離譜 ?!
佢早10分中埋我地單就得 , 我打多10分中佢係咁吹我地 !!
又過黎執我地d野 , 女朋友最後食緊舊粟米, 未食完佢就收左佢個碗 !!!!! 勁衰勁冇禮貌 !!!!!!!!
又唔係平過人 !! 兩個人only另加左一碟蝦($12) & 2杯野飲($12+$5) , $350先落到樓 !!
我去"稻 x " 同 "有骨 x " 都係咁上下價錢 , 野又好食過佢 , 服務又好過佢 !! 起碼唔會比人當狗咁趕 !!!!!

一句講晒 , 冇下次 !!! 仲要打去投訴佢 !!!