御滿屋日本料理

Open Now

Now Closed

不知所謂嘅一餐，錢照收，但係嘢食唔嚟。等左半個鐘頭，叫嘅嘢全部未嚟。但時間就照計。結果足足等咗40分鐘先嚟第一次叫嘅刺身，仲要係我叫嘅三分之一。不停咁催啲嘢食，每次催完嚟一兩片，叫親嘢都要催。其實做唔切就唔好開業，開業收得你錢又唔俾嘢人哋食，想點！我奉勸大家都唔好嚟，短期內都改變唔到。食物方面：刺身係正常，但非常之細片，係平常嘅三分之一大細。不過大塊都冇用，因為佢根本就唔會嚟。熟食方面：冇咩特別。自己拎嘅食物，長期缺，冇人去添。服務方面：人手短缺，碗碟預自己收。整體體驗非常之差，未試過食放題食到咁嬲！