牛川日本和牛專門店 (Closed)

封關差不多三年了，幾時可以飛！好掛住日本美食，仲未飛得，唯有搵間靚餐廳食和牛。今日同朋友一行四人就去咗銅鑼灣牛川日本和牛專門店，呢期做緊優惠，四人同行仲有原隻龍蝦刺身送，所以梗係揀和牛任食套餐，頭盤先來一個刺身拼盤，加原隻龍蝦，刺身好新鮮，日本帶子，龍蝦刺身，好甜，吞拿魚入口即溶。重點刺身可以任食。除咗刺身主菜當然要食和牛，和牛拼盤，有晒不同部位，後腰，牛肩，牛小排，牛五花，牛頸脊，牛冧…..每個部位真係入口有唔同感覺. 重點又係任食。 飲品選擇都好多，仲要啤酒任飲， 和我朋友今日真係飲飽食醉。