半島漁港/阿翁火鍋館

Open Now

Now Closed

半島漁港以前都食過，但係荃灣分店就第一次食，沒有訂位，來到就有位，但係都幾旺，都有六成左右滿座。餐牌最吸引嘅就係一蚊餐點，我哋就揀咗極品BB乳豬，由於我哋係五至七位，所以就可以一蚊有半隻。BB豬個皮好脆，唔會話太肥，唔會全部都係肥膏食唔到，半隻份量都OK ，一定夠食。沙拉骨真係估唔到係有咁多沙律醬，未見過比沙律醬覆蓋晒嘅沙拉骨，好Heavy，但係啲骨係幾好食的，唔係太肥，都多肉。錦江海皇豆腐煲，都幾多料。長腳蟹係自己出去魚缸嗰度揀，蒸完之後，估唔到職員仲會幫我哋剪埋，佢會幫我哋剪晒殼，起晒肉，跟住放返啲肉落去，等我哋上枱之後可以影相，跟住就可以直接食，慳返好多功夫，服務唔錯，而且個蟹蓋有好多膏，蟹肉都鮮甜。