明記甜品 (Closed)

同朋友夜晚食飽飽，諗住去聰嫂食糖水。點知去到，9:30已經排晒長龍，估計要等半個鐘。見到對面有間明記糖水，於是就試吓。唔使等位直接入去坐，同行4人叫咗四個甜品。包括紅豆沙、杏仁芝麻糊、朱古力心太軟、雪糕窩夫。$30/朋友話紅豆沙淡左少少，食晒。$36/芝麻杏仁糊就冇咩芝麻味同杏仁味，味道偏淡，朋友食淨一半。$60/朱古力心太軟我試左一啖，確實令人失望，雪糕好勁雪味，朱古力心太軟有膠味，不值＄60呢個價錢，建議不要再試。但朋友話好好食，食晒。$48/半份最後係我點的朱古力雪糕窩夫，原本生果係香蕉，但因為缺貨，轉咗做蜜瓜。配搭怪怪地，雪糕也是好勁的雪味，但窩夫熱熱的，好軟熟，味道不錯。