牧牛冰室 (Closed)

這間冰室開咗都有一段日子，每次（週末）路過都見到座無虛席，又唔想等位，一直都冇試。今日訓醒，又想食炒蛋多士，於是就行咗過來～ 雖然唔洗等位，但剛入到去，只有非卡位，我哋一邊睇餐牌研究食乜好，一邊留意住有冇坐卡位嘅食客埋單可以轉檯。醒目嘅姐姐留意到lee點，一有卡位吉出來，即刻安排我哋轉檯。眞係要俾嗰like佢～！未夠兩點，唔可以嗌茶餐，但縱觀午餐同茶餐，價錢嘅分別就不算大，份量就要食過先知，無所謂啦～ 我哋分別嗌咗瑞士汁撈公仔麵餐同埋番茄湯粉餐。雞扒好大件，皮脆肉嫩，拎上來嗰陣，熱到入唔到口，好明顯係即炸嘅。撈公仔麵嘅瑞士汁份量夠多，麵身夠入味，個人來講美中不足嘅係麵身腍咗d～炒蛋眞係冇令人失望，雖然睇落以為overcooked，但食落眞係兩回事。腸仔就普普通通；牛油多熱辣辣夠香脆～ 👍🏼👍🏼7字概括：茶香奶滑冇澀味。另外一個餐係番茄湯粉餐。認真講，麻麻哋，湯頭比較稀，味偏淡；所以通粉都唔係好入味。叉燒不過不失。加$2轉奶醬多熱辣辣，脆卜卜，練奶香甜，花生醬黏口惹味。明知邪惡都會繼續食～熱檸茶就唔會再嗌嚕，中曬通病，太澀了～🤦🏻‍♀️衛生狀況有改善空間😑😑😑總括而言，出品質素都不錯，不過