餐廳環境夠闊落，卡位坐得舒服。店內仲有圓枱，適合家庭聚餐，朋友聚會👫🏻👩🏻🤝👩🏼👫🏻👩🏻🤝👩🏼👫🏻👩🏻🤝👩🏼仲有辣椒仔吊飾好可愛🌶️😆
唔洗北上都可以食到正宗既湖南菜，呢度既湘菜老師傅把守味道，即叫即炒，而且出餐快🤗 道道菜都有鑊氣，餸飯一流👍🏻
餐廳好貼心，每道菜都可以揀辣度，有辣，有唔辣🤍 無論係無辣不歡，定係食開清啖啲既朋友仔都可以滿足到你，食過返尋味😜
果然係更懂港人口味既湖南菜~🥹
湘式拌魚皮🥢 (少辣)
湘式拌魚皮係湖南風味既涼菜之一，魚皮口感爽脆，味道酸酸辣辣。加上花生配料，香脆可口，好適合夏天作為開胃菜🧡
乾鍋肥腸🔥(少辣) (必點🥇)
食完幾道餸之後，呢個乾鍋係我心目中係最出色👍🏻 肥腸炒至金黃，油脂同香料既香氣互相交融，散發濃郁既香氣🤤可以餸到兩碗飯都得唔係講笑🤭 加入蒜粒同埋酸豆角爆炒，口感層次豐富，真係令人回味無窮💕
辣椒炒肉🌶️ (少辣) (必點🥈)
一上枱已經聞到香氣撲鼻 熱辣辣夠哂鑊氣👍🏻豬肉入口鮮嫩，白雲耳口感爽脆，加上辣椒既香氣，餸飯一流😜個飯係成煲上，真係大癲！呢煲飯可以食到四個人都冇問題🤣
膠原脆皮豬手🐷💪🏻 (必點🥉)
呢個豬手不得了！使用湖南秘製滷水慢煮12個鐘，豬手炸到外脆內嫩，食到滿滿既骨膠原。配搭香料，食落好惹味，又唔會好膩。唔錯！🤤
湘味酸菜魚🐟 (走辣)
魚肉滑溜，份量好多，食極都食唔完🥹 味道正常發揮。走咗辣，更加突顯到個鮮味👍🏻 配料除咗有酸菜，仲有粉絲，有驚喜！🥰
飲品方面，叫咗杯解暑檸檬茶同埋鴨屎香檸檬茶。兩杯飲品都係酸甜清爽，解辣一流👍🏻兩杯都超大杯，好抵飲🤣 第一次試西瓜檸檬茶🍋🍉 西瓜好香甜，味道都幾濃，同檸檬茶都幾夾😗
食咗咁多辣野，係時候食返個甜品解辣作結。麻花糍粑，入口外脆內軟，口感幾特別。麻花炸得香脆，糍粑軟糯煙韌，蘸埋個黑糖醬汁，甜甜地，幾好食☺️
