Video
Read full review
2021-08-15
52 views
數數手指，食過既印度菜真係一隻手都數⋯⋯⋯得晒🤣未去過印度，唔識分呢到野食正唔正宗，對我黎講正宗與否唔係最重要，最重要係自己鍾唔鍾意食，覺得好唔好食姐😏✌🏻午市套餐幾豐富抵食🤤胡椒餅幾驚喜，燴茄子不比港式魚香茄子差，反而我鍾意食既Naan就失望少少🙆🏻♀️🚩波菜湯其實斷估係波菜湯🤣因為激重香料胡椒味，飲落偏辣，但又幾好飲，仲有零零碎碎既乳酪粒，飲飲下都又飲晒喎😂🙌🏻🚩香辣鬆化胡椒餅平時食開既胡椒餅只係點醬，而呢個有啲唔同😮上面有好多重口味既芫茜、蒜、洋蔥、蕃茄，又開胃又惹味👏🏻胡椒相對會弱啲，絕對要襯熱食，不然會無咁香脆鬆化。🚩烤三文魚熱焫焫鐵板三文魚🤤魚油重既魚會油膩會大啲，所以滴少少檸檬會比較清新解油膩，三文魚厚身肥美，面頭有炸蒜青蔥，底下有少量蔬菜洋蔥墊底，索晒啲魚油omega-3🥰另附上一兜青醬一兜紅醬，兩款都唔辣，我地都覺得紅醬好味啲，如果唔點醬基本上同印度菜扯唔上關係🤪🤪🚩印式燴茄子😋茄子本身好易煮得稔，但因為每舊有返咁上下size所以唔會一patpat，反而一絲絲仲好咬，而且本身亦係好索油同醬汁，所以咬落係非常濕潤，惹味既香料汁醬好印度，撈飯係無得輸！重口味之選👍🏻🚩椰汁
午市套餐幾豐富抵食🤤胡椒餅幾驚喜，燴茄子不比港式魚香茄子差，反而我鍾意食既Naan就失望少少🙆🏻♀️
🚩波菜湯
其實斷估係波菜湯🤣因為激重香料胡椒味，飲落偏辣，但又幾好飲，仲有零零碎碎既乳酪粒，飲飲下都又飲晒喎😂🙌🏻
🚩香辣鬆化胡椒餅
平時食開既胡椒餅只係點醬，而呢個有啲唔同😮上面有好多重口味既芫茜、蒜、洋蔥、蕃茄，又開胃又惹味👏🏻胡椒相對會弱啲，絕對要襯熱食，不然會無咁香脆鬆化。
🚩烤三文魚
熱焫焫鐵板三文魚🤤魚油重既魚會油膩會大啲，所以滴少少檸檬會比較清新解油膩，三文魚厚身肥美，面頭有炸蒜青蔥，底下有少量蔬菜洋蔥墊底，索晒啲魚油omega-3🥰另附上一兜青醬一兜紅醬，兩款都唔辣，我地都覺得紅醬好味啲，如果唔點醬基本上同印度菜扯唔上關係🤪🤪
🚩印式燴茄子
😋茄子本身好易煮得稔，但因為每舊有返咁上下size所以唔會一patpat，反而一絲絲仲好咬，而且本身亦係好索油同醬汁，所以咬落係非常濕潤，惹味既香料汁醬好印度，撈飯係無得輸！重口味之選👍🏻
🚩椰汁咖喱雞
唔辣既咖哩比較著重香料果一part😙四五舊無骨雞件，肉質又幾嫩滑😋點Naan無得輸。
🚩蒜茸烤餅
😳大大塊既garlic naan，面頭有一粒粒蒜茸及香蔥，煙煙韌韌邊位特別脆，重蒜既我略嫌唔夠蒜香😝不過點下咖哩或茄子係相當夾同惹味！！
🚩芒果酸奶
無奶油唔飲印度出名既芒果酸奶😆大大杯透心涼，芒果香甜酸奶濃郁，甜度剛好，解膩解辣確唔錯🙌🏻
🚩青檸梳打
好耐無飲梳打😳最鍾意梳打無落額外既糖，簡單得只有青檸既酸咪咪及梳打，咁清新就可以cover印度菜既重口味啦😉
Post
