Video
Read full review
2019-04-24
80 views
最近對中午、下午茶任食特別有興趣，基本上附近行過、聽過嘅都有望過，依間火鍋花錢做梗大個廣告牌我當然有留意，基於佢資料上係開五點，價目表、宣傳單都係，而地點係出名上落麻煩，晚市排隊要一個鐘嘅大鴻輝！除非跟大隊食，否則夜晚我絶唔去浪費時間。但今次竟然團購出午市，仲要3.5個鐘？超長時間！雖然望落唔多野食，肥牛係最平款，計落每位都近一百蚊，但難得火鍋任食可以慢慢嚟，仲要假日適用，見有時間就買了。明明依個團購網轉玩無紙兌換好幾年，都俾我選中一間要印出嚟，家吓突然要印野真係唔易。準時十二點到，全場兩個人，一個似經理係收銀位，一個推梗車仔仲開梗場，基本都放好晒，係未有用具，客自然未有，落咗個泡菜湯底，以得我一枱都叫等咗震，仲要唔係熱湯，雖然個鍋大大個好好烚，但大佬等得佢嚟，你地都開好場食一人一煲，我個煲仲要唔夠味，水(我當你係湯)加泡菜姐，得個少少，平時D鍋就夠，你梗大個鍋至少落多倍呀？加湯仲要加清湯，最終都係醬料區處理。首先強制兩份肥牛、一份豬，一份雞，質素麻麻亦無期望，配料基本佢寫都有，唔見蟹爪肉棒、蓮藕，白菜苗，無黑椒牛筋丸得牛丸，腸得一款以為係普通腸仔，咬落有芝士味，但唔似美式芝士腸，用料
最近對中午、下午茶任食特別有興趣，基本上附近行過、聽過嘅都有望過，依間火鍋花錢做梗大個廣告牌我當然有留意，基於佢資料上係開五點，價目表、宣傳單都係，而地點係出名上落麻煩，晚市排隊要一個鐘嘅大鴻輝！除非跟大隊食，否則夜晚我絶唔去浪費時間。但今次竟然團購出午市，仲要3.5個鐘？
超長時間！雖然望落唔多野食，肥牛係最平款，計落每位都近一百蚊，但難得火鍋任食可以慢慢嚟，仲要假日適用，見有時間就買了。明明依個團購網轉玩無紙兌換好幾年，都俾我選中一間要印出嚟，家吓突然要印野真係唔易。
準時十二點到，全場兩個人，一個似經理係收銀位，一個推梗車仔仲開梗場，基本都放好晒，係未有用具，客自然未有，落咗個泡菜湯底，以得我一枱都叫等咗震，仲要唔係熱湯，雖然個鍋大大個好好烚，但大佬等得佢嚟，你地都開好場食一人一煲，我個煲仲要唔夠味，水(我當你係湯)加泡菜姐，得個少少，平時D鍋就夠，你梗大個鍋至少落多倍呀？加湯仲要加清湯，最終都係醬料區處理。
首先強制兩份肥牛、一份豬，一份雞，質素麻麻亦無期望，配料基本佢寫都有，唔見蟹爪肉棒、蓮藕，白菜苗，無黑椒牛筋丸得牛丸，腸得一款以為係普通腸仔，咬落有芝士味，但唔似美式芝士腸，用料唔差有驚喜，丸、魚皮餃、魚腐等食得出係靚貨，芝士丸香濃芝士味，魚肉春卷唔洗去南記，菜類有羽衣甘藍，耶菜仔細細粒，手指大胡蘿蔔，黑松茸都有！樣樣計磅都貴過佢碟肥牛。欣賞佢瓜類切得夠薄，職員抹完野兩個雪櫃落咗簾黑人問號，要留意佢唔會加野，有幾款我接近攞清先入兩枱客，佢唔加又唔攞走個盆，真係難睇。
罐裝飲品十來種，都係基本野，佢話有嘅樂天唔齊款，熱茶寫明要問職員攞。甜品只有寫明嘅Milk Top雪糕，三款問職員先知係芒果、云呢拿，抹茶，都唔係佢寫嘅款，云呢拿快見月光，雪櫃門卡住好難開，溫度好低練腕力，勝在依個牌子都係酸甜味，開胃完又可再食，時間話梗快就過！唔好介意我梗留意佢兩個職員，真係好奇點解加咗午市唔改宣傳？團購寫係得星期五唔做，除咗我依枱三點有一枱似有Book，聽到食到五點，臨走前入多枱，價目表睇咗震先決定，無人知下可能星期六、日多幾枱，但依個人流無可能叫人專程早返工，應該係本身已要人係度，不如做吓生意，但多人又搞唔掂，所以唔改宣傳？兩人輪流放飯，一個接近長坐，一個左抹右抹，大半時間企係度睇電視，期間攞牛嚟順便收下碟，收過兩次貨，唔知幾時多咗個人係收銀排排坐，只想講佢地返早真係正！
Post
