源興燒味小館

成日食開小菜都係去深水步, 今日同班FRIEND 近近地去附近食, 點知有喜出望外既收獲！佢地有兩層有房，咁岩老闆俾左間房我，同Ｄ老友有D私人空間！感覺唔錯！試左呢燒鵝，我諗呢區既燒味無人有佢整得咁好食！入哂味！本人都係燒鵝既愛好者，所以特別喜歡！
男人老狗一定係要叫個羊腩煲，羊腩大大舊，又大煲夠味，最好就係可以叫埋火鍋配料，叫左個手切牛，D牛肉仲要幾靚！老闆介紹左個冰鎮聖子，點wasabi 豉油有魚生既感覺！真係冇介紹錯！又叫左個小炒王送酒，火喉夠，夠香！食得太濟，其他小菜都好似好吸引，同埋老闆話個雞煲都出名！下次一定要試下！出面食小炒既地方都多，但係佢好食之餘仲有燒味火鍋配搭，真係同朋友吹水食飯既好選擇！

入味！大份！好食！

羊腩夠淋！

爽！彈牙！魚生咁款！