南山谷韓國居食屋 (Closed)

係新城市食lunch, 已經食到唔知食什麼好, 今次就去左南山谷, 其實佢初初開既時候都去過, 覺得佢啲石頭窩飯幾好, 但炸醬麵就唔好食, 呢度的環境較昏暗, 門口有條長長的木走廊, 盡頭是一面鏡子, 個waitress帶位好似好趕時間, 轉頭已經唔見左, 我地一路行一路又要搵佢, 仲差啲撞埋面鏡度…坐左埋位, 見枱枱都係石頭窩飯, 唔通真係咁好食? 睇吓個menu, 原來得幾款, 咁就要左燒牛舌定食同正宗全州石頭窩飯定食, 燒牛舌切得很薄, 夠味, 不過好奇怪, 用鐵板上都唔夠熱, 只係暖暖的, 食一陣已經凍哂, 石頭窩飯就好啲, 飯好熱, 有飯焦, 加埋啲辣醬, 都幾好, 不過發覺佢俾小左樣芽菜, 所以呢個飯只得4色唔係正宗既5色. 定食跟湯同兩個前菜, 湯冇味, 好似水咁, 前菜係泡菜同芽菜, 唔新鮮, 食左兩啖冇食, 不過個甜品泡芙就好好, 夠哂凍, 仲有正宗的韓國菜館係用銀筷子, 呢度啲筷子竟然係銀色既膠筷子, 感覺怪怪的, 唔通佢怕啲筷子俾人偷? 總括來說, 以佢地呢啲食物既水準, 一個定食計埋加一要60幾, 都算貴, 唔值…….