李家 (山林道)

Open Now

Now Closed

韓食炸雞我最鍾意，李家係香港首間的韓式炸雞店，元祖級當然好食，由韓國人主理，所以一定有水準，久不久來食下可以過足癮。小店裝潢簡樸，電視播放 K-POP音樂好有氣氛。美食多選擇，樣樣都吸引，大大份真係食唔晒，最好三五知己來食最合適，有大卡位六人食就超開心咩都試到。前菜先來了兩小碟醃蘿蔔和椰菜沙律，酸甜開胃，特別適合搭配炸物，幫助消滯解膩。半半炸雞 (原味 + 甜辣) $198揀了無骨，雞件大大件，啖啖肉好滿足，外層炸得脆卜卜，內裡軟嫩多汁，肉味濃郁，完全沒有雪味，好好食。就咁原味都唔錯，沾滿甜辣醬汁更是提升食力，酸辣開胃美味，讓人食欲大增。雜錦串燒 $168串燒係巨化版好大串，有五串分別係原味雞肉、辣雞肉、五花肉、牛里脊肉和大蔥。當中以五花肉串燒最為出色，肉質鮮嫩，味道濃郁，油香四溢，肉汁豐滿。陣陣焦香超好食。Non-alcoholic Beerita $78鮮紅色的柚子特飲超大杯，無酒精但有酒味，酸甜的柚子口味開胃解膩，配炸雞啱晒。Corona Rita $88金黃色的含酒精飲品，飲起來有檸檬的芳香，清新爽口，冰凍的口感令人心曠神怡。