三門仔漁夫火鍋點心專門店 (Closed)

今晚有位朋友帶我去葵涌食三門仔漁夫火鍋點心專門店食飯夜晚。佢知我鍾意食野，所以特別的約我去食。佢仲話店裡炸子雞非常之好食，一定要試。朋友喜愛杯中物，所以帶了酒一支紅酒與我們分享，有酒就一定要下配酒小炒。蒜香牛柳粒~夠鑊氣，一上枱就香味撲鼻，外脆內軟又有肉汁，一啖紅酒一件牛柳粒，停不了手。七味金磚豆腐~豆腐外層炸漿簿及香脆，裡面豆腐滑溜，加了七味粉及炸過的蒜蓉碎，非常野味，客食的筷子功一定要非常之好，因為一下太大力就會散了。自問我是個揸筷子不好的人，每一下都散。哈哈！當紅脆皮炸子雞~朋友極力推介的一定要試，碟雞一出來就香氣撲鼻，剛炸完就立即上枱熱辣辣的。皮脆肉嫩，肉汁仲鎖住左，所以肉質非常滑溜。我鍾意雞翅尖，都不會炸到乾身，一下子就把碟雞分享完。石窩啫啫通菜~用石窩載住通菜，上枱仲有煙的通菜，要小心點食，因為石窩是加熱過，可保持菜的熱辣辣。彩虹啫喱糖~飯後甜品是彩虹啫喱糖，煙煙韌韌找，面層加了些糖碎裝飾，又好睇又好食。不枉此行的美味晚餐。