512
32
26
Level1
2
0
不會想再來第二次的餐廳！
2017-10-07 126 views
甚少寫食評，但呢一間真係忍唔住！非常令人失望既餐廳！為了慶祝朋友生日提早訂位7:30準時到達餐廳入座，因為上網睇曬菜單知道慢煮牛要等大約60分鐘，一坐低已叫定慢煮牛同熱海鮮拼盤，之後叫咗生蠔同pizza.但7:30已經無美國蠔！很快就來一支白酒.但隔咗30分鐘第一次催單先來生蠔.跟住落來成餐飯既過程就是不停既等，平均20分鐘先上一道菜.成間餐廳放眼望去幾乎每張檯既檯面都是只有一支酒.催單既聲音此起彼落.7:30落order.9:00慢煮牛來咗叫適應幫我跟跟其他幾樣嘢.適應都話好好好d嘢食好快到.因為廚房太多單好忙.但都係得個等字.覺得好好笑難道你開餐廳唔預自己好生意既？我見仲有好多空檯如果坐滿曬咁間餐廳點營運？出品實在太慢.最好笑是8:45時有個女侍應開始逐張逐張檯問欠d咩食物.我地話我地個熱海鮮拼盤同pizza未上.已經一個鐘，乜海鮮都要慢煮一個鐘咩？佢話幫我地去廚房check下有無漏單.之後來覆我話有落到單整緊.好快有.跟住又係等⋯白酒都飲咗兩支了已經⋯⋯9:15分叫侍應再跟下d個熱海鮮拼盤同pizza.佢先話pizza無落到單.但頭先8:45明明個女侍應話有落到單仲話整緊！真係九
Read full review
甚少寫食評，但呢一間真係忍唔住！非常令人失望既餐廳！為了慶祝朋友生日提早訂位7:30準時到達餐廳入座，因為上網睇曬菜單知道慢煮牛要等大約60分鐘，一坐低已叫定慢煮牛同熱海鮮拼盤，之後叫咗生蠔同pizza.但7:30已經無美國蠔！很快就來一支白酒.但隔咗30分鐘第一次催單先來生蠔.跟住落來成餐飯既過程就是不停既等，平均20分鐘先上一道菜.成間餐廳放眼望去幾乎每張檯既檯面都是只有一支酒.催單既聲音此起彼落.7:30落order.9:00慢煮牛來咗叫適應幫我跟跟其他幾樣嘢.適應都話好好好d嘢食好快到.因為廚房太多單好忙.但都係得個等字.覺得好好笑難道你開餐廳唔預自己好生意既？我見仲有好多空檯如果坐滿曬咁間餐廳點營運？出品實在太慢.最好笑是8:45時有個女侍應開始逐張逐張檯問欠d咩食物.我地話我地個熱海鮮拼盤同pizza未上.已經一個鐘，乜海鮮都要慢煮一個鐘咩？佢話幫我地去廚房check下有無漏單.之後來覆我話有落到單整緊.好快有.跟住又係等⋯白酒都飲咗兩支了已經⋯⋯9:15分叫侍應再跟下d個熱海鮮拼盤同pizza.佢先話pizza無落到單.但頭先8:45明明個女侍應話有落到單仲話整緊！真係九唔搭八！9:30忍唔住唔想再等，因為間餐廳有好多蚊～不停係度飛.飛到餐碟度都有，叫適應cut單我要買單走.跟住即刻有個應該係女經理既人物行過來話熱海鮮拼盤整緊.幫我cut咗個pizza.我問佢到底個海鮮拼盤要整幾耐？仲耐過慢煮牛？我足足等了兩個鐘.最後佢話10分鐘內出俾我。9:40熱海鮮拼盤上檯，食落口d海鮮係半凍半熱.好明顯係凍海鮮拼盤d嘢求其落d李錦記蒜蓉醬擺落微波爐叮熱，d海鮮唔凍唔熱食落口仲係霉既。一d都唔新鮮！一d都唔新鮮！一d都唔新鮮！而且manu寫住海鮮拼盤有成隻蟹完全消失得無影無蹤，呢餐飯真係食到背脊骨落，成肚氣～成餐飯2個半鐘食唔飽仲喂飽曬d蚊。而且餐廳位置好隱蔽好難搵！！最後對呢間餐廳既總結就係一個字差！差到飛起！上菜慢，成班侍應唔知係度做乜，無嘢做又唔幫你跟單！而且中途仲發生上錯第二張檯d菜來我地度.然後我地話唔order過佢拎住碟嘢係個場度逐檯逐檯問邊張檯既菜，一d專業都無，差過大排檔。勁多蚊.一邊食飯一邊喂蚊。最後買單$1650！！！一d都唔低食，如果你大把錢，大把時間等一道菜兩個鐘，大把血無地方捐來喂下蚊，大把腳力慢慢搵間餐廳係邊咁你可以試試呢間餐廳。佢會改變你對是一餐飯既人生觀！！！
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Date of Visit
2017-10-06
Waiting Time
120 Minutes (Dine In)
Type of Meal
Dinner
Celebration
Birthday