Deluxe Daikiya Japanese Restaurant (Causeway Bay Plaza 1)

漏單情況非常嚴重。由坐枱落單至last order。食物仍然未到。要落至第3張相同單再搵經理先話會上。話就話8點45開始。由8點30已經開始排隊。去到成9點先入到座。飲品供應款式唔齊全。排隊拎野食既時間又長。二人枱已經勁細。仲要放埋燒野既爐。員工又唔會即時收碟。枱與枱之間沒有空間。唔知會以為同隔離枱係相識既。last order定於10點30都唔係問題。連雪糕都一定要係10點30時排隊拎。根本漏單情況已嚴重影響食物黎既時間。未食到正餐就已經要人去拎雪糕。根本可笑。食品完全同介紹不符合。講就講到有聖子鮑魚。根本就係冇得選擇既隨機安排既其一。招紙上所謂既生蠔都根本冇。向經理反映問題就回應一句。都係食野啫。我又何必俾錢黎受氣。等成個半鐘都黎唔到野食。不會再回頭既放題。