其實一路都想試呢間過江龍好耐，但一路都驚要排好耐，所以等熱潮過o左少少先黎潮聖啦
大約7點到完全唔需要等位，不過佢入面坐得好迫下，佢多數係兩pair人share一張四人檯，所以隔離講咩都聽得一清二楚，咁岩我o地果日隔離檯就坐o左兩個中國大媽，真心好噪
黎得鰻魚飯專門店，梗係整番個鰻魚飯先啦...我同朋友驚一人一個鰻魚飯太漏，所以叫o左個鰻魚重 特上share
佢個鰻魚飯係好食既，但係上之前店員特登走過黎同我o地講會比近魚腩既部分比我o地而唔係魚尾
但其實我都唔知本身呢個飯係比魚腩定魚尾我o地？
本人覺得鰻魚燒玉子比鰻魚蒸蛋更好味，因為煎既蛋個蛋味更出同更香
1
其實最驚喜既係個饅魚肝湯，佢雖然好清，但又唔會話腥同無味，反而好清甜
反而個冷豆腐無咩味，仲要個質感都唔似豆腐，感覺好奇怪，唔建議叫!!!
整體黎講唔洗排隊既話絕對值得一試，不過環境就絕對唔適合談心慢慢食啦!
