祥興記上海生煎包

5月初新開張的時候見到門口人山人海已經想試，但又唔想花時間等，到今晚揾食見到不用等位，所以今日會一會呢個生煎包，睇吓係咪如食評中咁好食。

我去到時已有半盤煎好既放咗係度，所以一坐低就有得食。雖然無即叫即煎既咁熱，但還是依然熱的。

我之前食過既生煎包，係一個包既size，但呢度只係比雲吞大小小，屬於精緻版。

2

精緻版生煎包

個底煎得香脆係生煎包既特色，呢度做得到。

底部煎得夠香脆

咬開之後，個皮係好薄，但底部太厚。

皮薄但底厚

包入面有好多湯汁，我特登倒出唻睇吓有幾多，都有一個半湯匙咁多架。

餡料方面，只有豬肉，似乎單一咗啲，而且啲肉唔係打成肉醬，而係打成肉蓉，毫無咬勁。

開頭都覺得個包幾香脆都ok，但食咗二個之後開始頂唔順，因為個餡真係唔係好得，我只係食到白芝麻既香同湯汁既咸味，完全食唔到肉味。我再點小小醋唻食，先至覺得有返啲味道。

唔知係咪因為有期望，所以對佢要求高啦，我覺得普普通通啦。