Video
Read full review
2016-06-07
1206 views
上次去過尖沙咀分店是在睇完深夜食堂電影後，一直懷念這裏的串燒，想找朋友一齊黎食下，但不是約不齊人就是book不到枱，walkin的話是真的等頗久的啦。唔講咁多，一有枱就劃哂想食嘅先，是晚又係爆場，食物即叫即做需時呀～奴豆腐 $34朋友至愛麻醬，一見呢個已流哂口水，豆腐嫩滑帶豆香，食材簡單但好好味。芝麻雞翼 $48一客有三隻，大大隻好肥美，外層燒得香脆，帶著芝麻香，入面雞肉嫩滑，好味之餘又唔油膩。七味魷魚圈 $48炸魷魚很香口，加上少少七味粉，啱哂送炭酸飲料。豚肉露荀卷 $38肥美豬肉片包住露荀同燒，露荀鮮嫩吸了豬油很香，肉同蔬菜配合得很好，味道平衡。吉列廣島蠔 $42熱辣辣嘅肥美炸蠔又點會唔好食呢，外脆內嫩重蠔味，正。煙肉荔枝卷 $36×2一客有三粒，叫了兩串share食。荔枝超甜又多汁，煙肉燒得甘香，油脂已經迫哂出黎，入口唔膩，加埋荔枝好清甜，一咸一甜好好味呀。秋葵 $24個人喜好食呢種蔬菜，喜愛佢黏黏的口咸。燒雞骨腸 $42咬落啖啖肉，真肉腸，加了少許芥末醬酸酸辣辣更惹味。雞軟骨 $32燒到喔喔脆，但略微有點硬。汁燒牛肉飯 $42肥牛肉嫩，肥瘦比例平衡，洋蔥多汁，好好下飯吖。奶油飯
奴豆腐 $34朋友至愛麻醬，一見呢個已流哂口水，豆腐嫩滑帶豆香，食材簡單但好好味。
芝麻雞翼 $48一客有三隻，大大隻好肥美，外層燒得香脆，帶著芝麻香，入面雞肉嫩滑，好味之餘又唔油膩。
七味魷魚圈 $48炸魷魚很香口，加上少少七味粉，啱哂送炭酸飲料。
豚肉露荀卷 $38肥美豬肉片包住露荀同燒，露荀鮮嫩吸了豬油很香，肉同蔬菜配合得很好，味道平衡。
吉列廣島蠔 $42熱辣辣嘅肥美炸蠔又點會唔好食呢，外脆內嫩重蠔味，正。
煙肉荔枝卷 $36×2一客有三粒，叫了兩串share食。荔枝超甜又多汁，煙肉燒得甘香，油脂已經迫哂出黎，入口唔膩，加埋荔枝好清甜，一咸一甜好好味呀。
秋葵 $24個人喜好食呢種蔬菜，喜愛佢黏黏的口咸。
燒雞骨腸 $42咬落啖啖肉，真肉腸，加了少許芥末醬酸酸辣辣更惹味。
雞軟骨 $32燒到喔喔脆，但略微有點硬。
汁燒牛肉飯 $42肥牛肉嫩，肥瘦比例平衡，洋蔥多汁，好好下飯吖。
奶油飯 $26朋友對此讚不絕口，看似簡單的牛油加醬油撈白飯原來咁好味，食落唔覺油膩喎，而且大大碗好飽肚。
冰燒菠蘿 $48最後已菠蘿作為甜品作結，菠蘿加了蜜糖同燒，超甜又多汁，好味！
小店用心經營，雖然得老闆一個落單上菜收碟一腳踢，但服務態度良好，親切友善，食物有水準，價錢合理，唔怪得晚晚爆場。
Post
