Video
Read full review
2020-03-12
83 views
肚餓了又一間黃色良心小店，見幾個朋友去過食完評論幾好，上星期襯平日少啲人既夜晚帶男朋友去增下肥🙊 我地6點半已經去到，小店啱啱落完埸所以我地係果晚第一枱客，見到店舖入面痴住既poster同紙張覺得好本土！首先叫左個人人黎一定會試既辣味黃金薯條($62) 男朋友本身話 肯定係用粉㗎啫。點知真係食得到一粒粒既咸蛋黃，配上熱辣辣既薯條真係不得了！串燒又點少得海鮮呢，我地叫左原條燒鰻魚($62)，份量十足，CP值勁高！同埋超級惹味既勁辣扇貝($68/2) 真係辣得黎係爽果種，同埋粉絲食真係無得輸。微辣肉碎茄子($49) 即燒即上都基本啦，juicy到爆又夠晒重口味，最令人意外既係佢既肉碎係多。到。爆！勁唔孤寒！最後我地依啲食肉獸又點少得食肉😙 金茹牛肉卷($39) 外脆內軟加上好多汁，牛肉又有成兩層咁多。燒豬頸肉($69) 份量多，口感爽脆滋味。雞肉卷($39)同燒雞翼($30)表現正正常常。整體而言我覺得除感價錢偏高少少之外，都無咩可以挑剔既地方，強烈推薦大家去食佢既辣扇貝！
又一間黃色良心小店，見幾個朋友去過食完評論幾好，上星期襯平日少啲人既夜晚帶男朋友去增下肥🙊 我地6點半已經去到，小店啱啱落完埸所以我地係果晚第一枱客，見到店舖入面痴住既poster同紙張覺得好本土！
首先叫左個人人黎一定會試既辣味黃金薯條($62) 男朋友本身話 肯定係用粉㗎啫。點知真係食得到一粒粒既咸蛋黃，配上熱辣辣既薯條真係不得了！
串燒又點少得海鮮呢，我地叫左原條燒鰻魚($62)，份量十足，CP值勁高！
同埋超級惹味既勁辣扇貝($68/2) 真係辣得黎係爽果種，同埋粉絲食真係無得輸。
微辣肉碎茄子($49) 即燒即上都基本啦，juicy到爆又夠晒重口味，最令人意外既係佢既肉碎係多。到。爆！勁唔孤寒！
最後我地依啲食肉獸又點少得食肉😙 金茹牛肉卷($39) 外脆內軟加上好多汁，牛肉又有成兩層咁多。
燒豬頸肉($69) 份量多，口感爽脆滋味。雞肉卷($39)同燒雞翼($30)表現正正常常。
整體而言我覺得除感價錢偏高少少之外，都無咩可以挑剔既地方，強烈推薦大家去食佢既辣扇貝！
Post
