燒味滷師 (安發大廈)

Open Now

Now Closed

之前幫襯過長沙灣呢間燒味店，真係好抵食，今日諗唔到煮咩餸，最好梗係食燒味啦。 我最鍾意食燒鵝，一定要揀，熱辣辣嘅燒鵝，倒埋啲燒鵝汁落去更加美味，皮脆肉嫩又多汁。 燒味佬叉燒有燶邊，蜜汁香甜。 燒腩仔個皮卜卜脆，又唔會太肥，正呀！ 仲有店員介紹最新推出嘅手撕雞，有3種味，原味、麻辣同埋海蜇胡麻，店員話最多人揀海蜇胡麻，所以我都試咗呢個，凍冰冰嘅手撕雞同爽脆嘅海蜇，加埋胡麻醬一齊食，非常滋味。 不得不提呢度嘅單雙拼飯盒都只係賣22蚊咋，絕對係平到喊！唔怪之得成日都咁多人排隊啦。