御勝牛 (勝利道) (Closed)

日本通嘅朋友 極推薦我地食 「御勝牛 」 同媽咪經過旺角購物 就順便去食 舖頭佔地唔大 勝在光猛 衛生 同老細傾完計先發現 佢地起九州 熊本批發 將成隻和牛批發入香港 希望和牛起香港大眾化 所以正宗和牛飯都唔洗$100 超級抵食 。除左肉類之外 連碗碟筷 等等 都係日本進口 ，可以話全日本化 十分講究。我同媽咪分別叫左：御勝牛和牛丼 $88推介大家 一定要嗌多汁 因為佢哋秘製嘅黑蒜汁係由日本香住縣直送 配珍珠米好正 濃郁蒜香味 同和牛好夾 。和牛為嫩肩部分 油脂分布均勻 肉質纖細 入口即溶 成個口腔都充滿和牛獨有香氣。葡萄豚肉烏冬 $68 「葡萄豚肉」啲豬仔可以話嬌生慣養 佢哋唔係食‘豬哨’ 而係 食 ‘葡萄Ja’ 將豚肉煮到五成熟 肉質比起過往嘅豚肉更加幼嫩 淡淡油脂 ，烏冬都係日本進口 粗身彈牙，同埋湯底方面係濃郁雞湯 ，傳統得黎又講究，食完超滿足。