大井町日式放題 (Closed)

如果世界上只可以留返一間餐廳，我諗我會揀佢 ——大！井！町！選擇的款式有好多，刺身、壽司、炸物、手卷、熟食、麵類、炒飯、沙律等。仲有最勁嘅沙律吧！有生果任食、甜品任食、冷盤任食。真係無得輸呀！打頭陣當然係要試左刺身先啦！刺身選擇有好多，點了三文魚、油甘魚、帶子、蝦等。雖然三文魚唔係三文魚腩，但都好厚身，而且紋理清晰。至於帶子都非常大粒，好爽口。除左刺身，當然都要試下壽司啦。一邊係火灸壽司，一邊是普通壽司。火灸蝦壽司上面係有芝士嫁，岩晒芝士控嘅朋友啦！平時食放題真係唔想食咁多飯，但又俾呢款手卷吸引左，辣味三文魚非常吸引，而且粒粒三文魚都好厚身。除左刺身當然都有好多熟食啦！包括牛吞、雞翼、天婦羅等都有。不過有一款就真係必食中嘅必食啦！就係迷你蟹蓋同焗薯皮啦！真係好嬌少，而且仲好香口，正呀！