Video
Read full review
2021-10-05
163 views
平時我好少食魚蛋粉，因為通常出街食飯都想食得好啲，但依間魚蛋粉同埋牛腩河又令我喜出望外，因為佢除咗平靚正之外亦都喺尖沙咀，好方便。叫咗一碗魚蛋麵同埋崩沙牛腩河，崩沙牛腩河係限量嘅，佢嘅牛腩非常之好味，肉質唔會太冧，而且好有牛腩嘅香味，唔會好似其他麵店嘅牛腩咁樣，得個硬字，而且佢嘅肥瘦適中，唔會有一大舊肥膏搞到全舊牛腩都冇得食。至於魚蛋河入面就有魚蛋魚片，我覺得魚蛋係正嘅，魚片就正正常常啦，但佢嘅面質又令我有驚喜，因為佢唔係嗰啲好冧嘅，仲會彈牙，所以質素都唔錯，喺尖沙咀食嘢幾十蚊一碗，加$8又有一支凍豆漿，食完$100仲有走，喺尖沙咀依到，係咪好抵呢！順便介紹翻，佢依家仲有自製辣椒油添！我兩碗都有落辣椒油，加埋一齊食仲正
叫咗一碗魚蛋麵同埋崩沙牛腩河，崩沙牛腩河係限量嘅，佢嘅牛腩非常之好味，肉質唔會太冧，而且好有牛腩嘅香味，唔會好似其他麵店嘅牛腩咁樣，得個硬字，而且佢嘅肥瘦適中，唔會有一大舊肥膏搞到全舊牛腩都冇得食。
至於魚蛋河入面就有魚蛋魚片，我覺得魚蛋係正嘅，魚片就正正常常啦，但佢嘅面質又令我有驚喜，因為佢唔係嗰啲好冧嘅，仲會彈牙，所以質素都唔錯，喺尖沙咀食嘢幾十蚊一碗，加$8又有一支凍豆漿，食完$100仲有走，喺尖沙咀依到，係咪好抵呢！
順便介紹翻，佢依家仲有自製辣椒油添！我兩碗都有落辣椒油，加埋一齊食仲正
Post
