紅蔥頭 (Closed)

今日放假無無聊聊“一支公”去荃新天地“貢下”行下商場嘆冷氣，隨便買對波鞋，本想去大家樂快快趣趣搞掂個肚，但又食厭左啦。隔離有間紅蔥頭入去試下囉。店鋪座位稍為逼夾，服務員略欠笑容，“有待改善”anyway我叫了『西西里番茄醬鮮蝦墨汁意粉』餐湯『羅送湯』『羅送湯』足料，味道夠濃夠辣，飲到停唔到口，飲曬了，所以沒有影相，抱歉！『西西里番茄醬鮮蝦墨汁意粉』買相唔錯(見圖)味道少許微辣，意粉不硬不軟有口感，個汁也不會太多太少啱啱好，鮮蝦爽脆無雪味相信不是雪藏貨，好味道。整體紅蔥頭食物還是可以，下次會再來。