鹿鳴春飯店 (Closed)

同舊同事相聚飯局一早訂左呢間鹿嗚春,一行九人只安排門口圓枱,坐得好迫,一早訂都係坐呢d位無計啦⋯當晚都好full下同都係主要遊客生意？一坐底就有小食花生,叫左茶,然後d老一輩侍應叔叔就已經追問要食乜,睇完見到有個6-8人餐晤洗諗⋯平均每人三百幾還可以啦！點知d菜就勁快上哂黎,又迫擺唔落張枱又細,唯有急住食,呢間既京菜已經唔值得再食,都知出名無服務唔緊要,成個套餐有8個左右菜無一個菜出色,連個片皮鴨既皮都好厚,係甘既？食一件已經好濟,唯獨個湯都有好多翅但個湯偏咸。總結呢間餐廳未試過還可以一試，舊式風格侍應現在真係好少有，但試過既香港人可以免了。