一碗肉燥 (Closed)

作為屯門人，知道卓爾商場開咗一間新嘅台灣餐廳轉食肉燥飯嘅，而且我見到佢嘅裝潢都幾有特色係要黃色咁，所以呢就去試吓啦！點知呢原來都係得個名，感覺菜式都係好港式，而且入到去就好似冇嗰種台灣嘅feel，先唔講嗰種裝潢先，食物方面還可以，因為晚餐都食咗$60-＄70架，感覺飯嘅份量好少（已經叫咗多飯），叫咗個鳳梨汁豬扒都算係幾有特色，但係台灣真係有呢一味菜式嗎？然後拉了一杯泡沫珍珠奶茶，唯一好嘅就係佢未加糖水嘅，你自己加落去調整嗰個甜度，咁所以呢一個係唔錯嘅！總括來講，都係未夠正式嘅台灣菜，我不如去返食台式101肉燥飯仲好，後來發現原來朋友話呢一間餐廳都係大快活嘅集團嘅，咁我先大開眼界啊！