Video
Read full review
2014-01-10
1506 views
十二月係我的生日月又係聖誕節，差不多晚晚都係出街食, 來來去去都係嗰啲地方，或者朋友叫我揀。。。有時真係唔知食乜。今次朋友好醒，帶左我去個我極少去的又一城！呢間野係响溜冰場旁邊,有啲座位可以見到人溜冰，一邊食，一邊欣賞人溜冰美麗既姿態，幾開心。但我地太攰唔想排咁耐，無等到嗰啲位。。。本menu好精簡，除左飲品類外，大部份每頁都係得甚至四，五樣及頁數不多。菜式由泰式，越式，日式甚至意式，呢啲係咪叫貴精不貴多呢(๑•́ ₃ •̀๑)勁果薑有甘荀，蘋果，橙同薑的果汁，無乜薑味，蘋果成份最重。柚子蝦沙律呢個係我朋友點嘅，初頭覺得麻麻，驚酸或者有時會苦。食完之後我覺得超好味，我好鍾意。。。啲柚子肉不但唔酸，仲甜同爆多汁，我鍾意個原因係佢有好重既Fresh 嘅Herb Juice 味，尤其是九層塔味,令食一啖都好香，增添沙律味道既層次！有時食呢個沙律時會dry dry 地，我指柚子同柚子或者柚子同其他食材之間都乾乾地，呢個唔會，因為有適中份量嘅汁同少量嘅油，沙律除左有柚子，大蝦外仲有沙律菜同炸蒜片。香辣豬頸肉炒米線估唔到呢間西餐廳都炒得幾香，炒得又唔太咸，米線唔會是發胶脹，每條味道色澤都好均勻。豬頸內
十二月係我的生日月又係聖誕節，差不多晚晚都係出街食, 來來去去都係嗰啲地方，或者朋友叫我揀。。。有時真係唔知食乜。今次朋友好醒，帶左我去個我極少去的又一城！
呢間野係响溜冰場旁邊,有啲座位可以見到人溜冰，一邊食，一邊欣賞人溜冰美麗既姿態，幾開心。但我地太攰唔想排咁耐，無等到嗰啲位。。。
本menu好精簡，除左飲品類外，大部份每頁都係得甚至四，五樣及頁數不多。菜式由泰式，越式，日式甚至意式，呢啲係咪叫貴精不貴多呢(๑•́ ₃ •̀๑)
勁果薑有甘荀，蘋果，橙同薑的果汁，無乜薑味，蘋果成份最重。
柚子蝦沙律呢個係我朋友點嘅，初頭覺得麻麻，驚酸或者有時會苦。食完之後我覺得超好味，我好鍾意。。。啲柚子肉不但唔酸，仲甜同爆多汁，我鍾意個原因係佢有好重既Fresh 嘅Herb Juice 味，尤其是九層塔味,令食一啖都好香，增添沙律味道既層次！有時食呢個沙律時會dry dry 地，我指柚子同柚子或者柚子同其他食材之間都乾乾地，呢個唔會，因為有適中份量嘅汁同少量嘅油，沙律除左有柚子，大蝦外仲有沙律菜同炸蒜片。
香辣豬頸肉炒米線估唔到呢間西餐廳都炒得幾香，炒得又唔太咸，米線唔會是發胶脹，每條味道色澤都好均勻。豬頸內爽口。欣賞佢啲炒米線上面有啲新鮮青瓜絲，可令食炒野時，在啲清新感！
芥末西冷牛肉Pizza我order呢個Pizza主要係為左芥末醬，點知嚟到就無乜芥末味，有啲失望，個啲牛柳粒好淰身，好啱放响pizza,唔洗咬得咁辛苦！我朋友好欣賞個餅底，佢覺得好香口，做餅底啲麵粉幾靚。
總括嚟講，食物質素尚可而餐廳响又一城中，價錢屬於便宜，又可以叫做物超所值，而味道就好啱食慣味濃嘅人！
Post
