小娘惹 (Closed)

之前看過幾遍報導話呢間食店每日只賣60碗喇沙，廚師兼老闆係5星級酒店大廚出身，最注重食物出品，想必唔會差，今日lunch 就來試下佢。雖然人龍唔算多，但都要排下隊，環境較狹小，但食品最緊要，對吧？招牌喇沙就當然係要叫，另一嘢就叫左海南雞飯。先講下海南雞飯，海南雞本身味道不過不失，雞味當然係無乜，但係非常‘鞋’口，胸部分更加係un如柴🙁。其實最大鑊既反而係啲飯，佢個名就係雞油飯來既，但就無雞油味，口感更加大鑊，過多水份致啲飯一pat pat，斷曬米咁，成碟都唔想食🤯。再到所謂招牌既喇沙，一上檯已經呆左，既然廚師係有要求的話，我唔明白隻蝦成尺長既蝦鬍點解可以唔剪，無一隻蝦有處理過，我相信就算係屋企煮都唔應該係咁。喇沙最重要既湯底顏色偏黃，蝦湯完全無蝦味，椰奶雖然係夠，但唔夠香，整體來講可以話係無乜味😕。而全店整體持平來講雖未到以不能吃之地步（海南雞飯係不能接受），但冠以背景如此強勁名聲，我只可以說不配，賦予強烈不推薦此店。