The Lounge (香港JW萬豪酒店)

同屋企人去食Brunch, 早係兩個星期前已經訂位, 一入到去就即刻四圍巡下, 見其他自助餐少見的食品, 呢度都有,如即煎鵝肝、魚子醬、風乾火腿咁呀、而其他如龍蝦仔、生蠔, 一般自助餐都有的, 佢地當然都有, 話哂係五星級酒店, 出品就算唔係好食到咚一聲, 都保持到一定水準, 當日我地準時十一點就到達, 初初仲諗, 都唔知食唔食到四粒鐘咁耐, 但坐落後,試下呢樣, 食下果樣, 紅白餐酒、香檳任飲, 坐在沙發上飲下食下, 四週環境舒適,陽光透過落地玻璃洒滿室內, 與家人談談笑笑, 一會兒, 服務員上前問要甚麽餐飲, 原來不經不覺已經兩點半, 點了飲品後, 再坐一會, 正正已是三點了, 這一刻覺得, 食物種類多少、好食程度都不是最重要的, 最重要的是, 在一個悠閒的上午, 在一個舒適的環境下與家人共渡一個愉快的週日才是這一頓飯令人最感愜意的地方。