文聚分子料理 (Closed)

朋友睇到雜誌介紹，帶我到呢間叫文聚分子料理。呢間小店真特別，店面以為係魚蛋小食，得兩張台。厨師睇簡介，係退休既五星級酒店中菜主厨，退休後自己出黎做小店。佢自己研究的分子料理，并不是泡沫形式或高級食材，而係親民的家常小菜。把材料打碎再用來醃食材幾個鐘，食材也是用慢煮方式煮熟。工序時間比較長，所以都不是即叫即炒的形式，所謂慢工出細貨。我地叫左個分子炆牛根牛坑腩蘿蔔飯同分子水晶雞飯。分子水晶雞飯($40):雞肉很入味，師傅話全部冇落味精，保證健康。雞肉用慢煮，所以肉都很滑。師傅另外送左水浸蔬菜俾我地食，個湯也是雞湯。分子炆牛根牛坑腩蘿蔔飯($40): 牛根牛坑腩十分入味又淋，十分好食。不過蘿蔔入味，可惜有少少澀。雖然個名同實際有出入，不過用心經營冇味噌的家常小菜，先$40有湯有甜品，值了。