茶匠 清水一芳園 (Closed)

近排呢間黎自京都既抹茶甜品店終於開到黎近我小小既將軍澳，可能開張左都有一排，夜晚大概8、9點人流都冇咩。一到門口就可以見到佢地行仿日式既裝修，別有一番風味。門口仲擺放左唔少既日本直送和菓子，睇落都幾吸引，價錢黎講有小小貴，不過係日本直送既話就可以算返係值呢個價。但美中不是有小小冇咁衛生，見到佢地雖然係各款產品上蓋上左塑膠紙但竟然見到店員將跌左落地下既塑膠紙放返返上去食物蓋住，認真唔可以接受，即刻冇哂食慾！！雖然本身見到呢到有厥餅出售，而店員更聲稱係從日本直送到港，但係竟然比我見到只不過係係包裝入面取出無加工厥餅，後加上各種粉末製造而成，新鮮程度有限，極度懷疑係咪真係日本直送呢😨？最後見到佢地雪櫃有出售夾心窩夫，18蚊一個，於是選擇左一個香蕉巧克力味更包有麻糬既黎食♥️.食落窩夫乾到呀媽都唔認得...香蕉味的確十足，但巧克力味幾乎被覆蓋，麻糬就唔係好品嚐得出...，整體黎講18蚊都浪費了..🙁可能其他味會更好喇...或者食返抹茶野會更好。