千両 (九龍酒店) (Closed)

好啦,今次又去到不同分店食千兩,水準真係差好遠.其實個原因我諗就只有一個,就係不能做到貨如輪轉,令到食材無咁新鮮.如果我去人流旺既分店,味道絕對一流.但九龍酒店商場分店絕對唔係.我會好容易咁睇到剌身既光澤度好低.食得出連我最愛特大帶子既應有口感都不存在.應該係要有少少爽,加上少少彈牙,輕易感受到帶子既甜.但呢度既出品就係無.加上死灰色既他他牛,就知到今餐可以收工.剌身盤既魚肉除左北寄貝外,其他都無咩味道.我理解好多白身肉既味道都不濃,但絕對唔會係零味道.又愛又恨.愛既原因係食到新鮮北寄貝既地方真係唔多,千兩係個好選擇.